Комиссияи Аврупо барои кумак ба зарардидагони обхезии Тоҷикистон маблағ ҷудо кард
Душанбе, 30.06.2015 (АМИТ «Ховар» ).- Комиссияи Аврупо ҷиҳати расонидани кумаки башардӯстона ба зарардидагони обхезиҳо ва селобаҳое, ки дар вилояти Хатлон ва водии Рашт моҳи майи соли ҷорӣ ба вуқӯъ пайваста буд, 54 608 евро ҷудо намудааст.
Комиссияи Аврупо тибқи дархости Федератсияи Байналмилалии Салиби Сурх ва Ҳилоли Аҳмар (ФБСС) барои фонди ҳолатҳои фавқулодаи ин созмон маблағ ҷудо кард. Қарори мазкур бар асоси баҳодиҳии дақиқ, ки дар ҳамкорӣ бо мақомоти давлатии Тоҷикистон оид ба ҳолатҳои фавқулода гузаронида шуд, қабул гардид.
Маблағи мазкур ба Ҷамъияти Ҳилоли Аҳмари Тоҷикистон дастрас хоҳад шуд, то ин созмон аксари зарардидагонро бо хӯрокворӣ ва дигар молҳои ниёзи мардум, аз ҷумла кӯрпачаҳо, кампалҳо, бастачаҳои беҳдоштӣ ва асбобҳои пухтупаз таъмин намояд.
Тоҷикистон кишвари кӯҳистон буда дар муқобили офатҳои табиӣ, чун селу ярч, ки қариб ҳар сол дар ин ҷо рух медиҳанд, хеле осебпазир аст. Тавассути барномаи омодагӣ ба офатҳои табиӣ бо номи ДИПЕКО, Комиссияи Аврупо беш аз 10 сол инҷониб дар Тоҷикистон талош дорад, ки қудрати ҷамоатҳои маҳалиро дар муқобили офатҳои табиӣ пурзӯр гардонад.
ҶАМЪБАСТИ НИШАСТҲОИ МАТБУОТӢ. 14 феврал дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Иштироки ҳайати Тоҷикистон дар Симпозиуми байналмилалии авиатсияи гражданӣ дар Амороти Муттаҳидаи Араб
Дар соҳаҳои кишоварзӣ, сохтмон, саноат ва савдои шаҳри Ҳисор беш аз 5,4 ҳазор ҷойи нави кор таъсис ёфтааст
Онлайн-хизматрасонӣ: чӣ тавр метавон масъалаи мобилиро дар якуним дақиқа ҳал намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
