Маҳфили адабию мусиқии «Фарзанди падар»
Душанбе, 30.06.15. (АМИТ «Ховар»). — Дар шаҳри Маскав бахшида ба 70 — умин солгарди Ғалаба дар Ҷанги Бузурги Ватанӣ маҳфили адабию мусиқии «Фарзанди падар: Алексей Афғонов» баргузор гардид, ки дар он ҳамдиёрони мо ва намояндагони ҷамоаҳои мухталифи муқими Русия ширкат доштанд.
Дар оғози маҳфил роҳбари Маркази фарҳанги Тоҷикистон дар Маскав, узви Шӯрои умури миллатҳои назди Ҳукумати шаҳри Маскав, ноиби президенти Академияи байналмилалии ваҳдати аҳли дин ва ҳамкории халқҳои ҷаҳон, узви Иттифоқи журналистони Русия Хуршеда Ҳамроқулова дар бораи эҷодиёти шоири русзабони тоҷик Алексей Афғонов муфассал нақл кард.
Хуршеда Ҳамроқулова изҳор дошт, ки падари Алексей Афғонов чун 300 ҳазор нафар тоҷикистониёни дигар дар муҳорибаҳои зидди истилогарони фашистӣ иштирок дошт. Маҳз онҳо дар майдони ҷанг барои ҳаёту озодии мо ҷони худро қурбон карданд. Ашъори Алексей Афғонов саршори меҳру муҳаббат ва дӯстии байни халқҳост.
Муншии аввали сафорати Тоҷикистон дар ФР Муҳаммад Эгамзод зимни суханрониаш хидматҳои Маркази фарҳанги Тоҷикистон дар тарғиби фарҳанги миллӣ ва аҳамияти роҳандозии чунин чорабиниҳо дар пойтахти Русияро ёдовар сохт.
Шоир Алексей Афғонов дар маҳфил шеърҳои ба тоза эҷодкардаашро қироат намуда, аз ҳаёти худ ва вохӯриҳояш бо ҳаводорони назм дар Тоҷикистону Русия нақл кард.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
