«Маҳсулоти беҳтарин» дар ярмаркаи минтақавии савдо «Суғд — 2015»

Душанбе , 27.06.2015. (АМИТ »Ховар», Рафоати Абдулҳамид).- Бино ба иттилои Хадамоти матбуоти раиси вилояти Суғд  24-25- уми июли соли 2015 дар маркази вилоят — шаҳри Хуҷанд ярмаркаи минтақавии савдо «Суғд — 2015» доир гардид.

Ярмаркаи мазкур бо мақсади дастгирии рушди савдои байналмилалӣ, баланд бардоштани неруи содиротӣ, ба роҳ мондани ҳамкории судманд бо давлатҳои хориҷии дуру наздик, ҷалби сармоягузорӣ ва воридоти технологияҳои муосир, ба маъраз гузоштани меваю сабзавоти тоза, хушкмеваҳо, намудҳои гуногуни маҳсулоти саноатӣ ва маҳсули ҳунарҳои мардумӣ баргузор шуд.

Дар доираи ярмаркаи минтақавии савдо Форуми чоруми минтақавии тиҷоратию сармоягузорӣ дар мавзӯи «Неруи содиротӣ ва рушди савдои байналмилалӣ» ва озмуни вилоятии «Маҳсулоти беҳтарин» роҳандозӣ гардид.