Муроҷиатномаи Кумитаи ҳолатҳои фавқулода ва мудофиаи гражданӣ

           Душанбе, 30.06.2015. (АМИТ  «Ховар», Лайло Тоирӣ).-   Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба диққати шаҳрвандон ва меҳмонони Ҷумҳурии Тоҷикистон мерасонад, ки бо баланд шудани ҳарорати ҳаво ва оғози мавсими шиноварӣ дар дарёҳо, обанборҳо, каналҳо ва ҳавзҳо  таҳдиди эҳтимоли ғарқшавӣ  вуҷуд дорад. Бинобар ин аз ҳамаи шаҳрвандон хоҳиш  мешавад, ки ҳангоми оббозӣ боэҳтиёт бошанд. 
          Бино ба иттилои хадамоти матбуоти кумита, бар асари риоя накардани қоидаҳои бехатарии шиноварӣ дар нимсолаи аввали соли 2014 -31 ва дар соли 2015  54 нафар шаҳрванд ғарқ шудааст, ки ин боиси ташвиш мебошад. 
          Бо мақсади пешгирии ҳодисаҳои нохуш дар об кумита аз шаҳрвандон ва меҳмонони Ҷумҳурии Тоҷикистон хоҳиш дорад, ҳангоми истироҳату шиноварӣ дар наздикии дарёҳо, каналҳо ва обанборҳо қоидаҳои бехатарии рафтор дар обро риоя намуда, аз оббозӣ дар ҷойҳои манъшуда ва дарёҳои тезҷараён худдорӣ кунанд. 
Бахусус ҳангоми истироҳат дар наздикии иншооти обӣ падару модарон  кӯдакони ноболиғро беназорат нагузоранд.