«Найрангҳои шӯртанмоҳӣ» дар Остона

Душанбе, 30.06.2015. (АМИТ «Ховар», Ситораи Боймурод).-   «Найрангҳои шӯртанмоҳӣ»-и Театри давлатии лӯхтаки шаҳри Душанбе дар аввалин Фестивали байналмилалии театрҳои лӯхтаки «Куралай» ширкат меварзад. Ба иттилои Вазорати фарҳанги Ҷумҳурии Тоҷикистон фестивали мазкур аз 28-уми июн то 3-юми июли соли равон дар шаҳри Остонаи Ҷумҳурии Қазоқистон баргузор мегардад. Муаллифи  намоишномаи  «Найрангҳои шӯртанмоҳӣ»  Владимир Маслов буда, таҳиягари он Арбоби ҳунари Тоҷикистон Зафар Ҷаводов мебошад.
Гуфта мешавад, ки ин фестивал  ба роҳбари бадеии театри Остона Куралай Ешмуратова бахшида шудааст.