Рашт: меҳмонони ҷашн ба пояи муҷассамаи Нусратулло Махсум гулчанбар гузоштанд

 Рашт, 27.06. 2015. (АМИТ “Ховар”, Субҳониддини Маҳмуд).-Ба ифтихори  ҷашни Ваҳдати миллӣ дар деҳаи Шулмаки ҷамоати деҳоти  Боқӣ Раҳимзодаи ноҳияи Рашт маркази савдои » Арзон » ,  корхонаи дӯзандагӣ  ва нуқтаи интиқоли маблағ аз ҳисоби «Ориёнбонк»  кушода шуд. 

Ба иттилои сардори  шуъбаи рушди иҷтимоӣ  ва робита бо ҷомеаи  ноҳияи мазкур Фаридун Муродов барои иштирок дар тантанаҳои ҷашнӣ 170 нафар меҳмон аз тамоми манотиқи ҷумҳурӣ  ба ноҳияи Рашт омаданд, ки онҳоро кормандони Мақомоти иҷроияи ҳокимияти давлатии ноҳия дар ҷамоати деҳоти Қалъаи сурх  пешвоз гирифтанд. Имрӯз меҳмонон бо роҳбарии раиси ноҳия Лоиқзода Қаноатшои Холиқ  дар назди муҷассамаи ходими сиёсӣ ва арбоби давлатӣ Нусратулло Махсум гулчанбар гузоштанд. Ҳамчунин меҳмонон бо хонандагони мактаб-интернати  маъюбони ноҳия вохӯрии судманд гузарониданд.