Таваррум дар сатҳи муътадил-0,3 фоиз аст

Душанбе, 24.06.2015. (АМИТ  «Ховар», Лайло Тоирӣ).-Тибқи маълумоти омори расмӣ таваррум дар моҳи майи соли равон муътадилии худро нигоҳ дошта, 0,3 фоизро ташкил намуд, ки нисбат ба ҳамин давраи соли гузашта 0,3 фоиз кам мебошад. 

Тавре ки аз хадамоти матбуоти Бонки миллии Тоҷикистон иттилоъ доданд, дар зарфи панҷ моҳи соли равон  он ба 2,6 фоиз баробар шуд, ки  дар муқоиса ба ҳамин давраи соли қаблӣ 1,69 фоиз паст аст. 

    Нишондиҳандаи мазкур дар зарфи 12 моҳи охир ба 5,5 фоиз баробар шуд, ки назар ба ҳамин давраи соли гузашта 1,1 фоиз кам мебошад. 

    Аз охири моҳи майи соли равон меъёри бозтамвил, ки яке аз фишангҳои сиёсати пулию қарзӣ ба шумор меравад, бетағйир дар сатҳи 8,0 фоиз қарор дорад.