1230 арзу шикояти шаҳрвандон ба телефонҳои боварии вазири ВКД

Душанбе, 11.07.2015 (АМИТ «Ховар», Фарзонаи Давлат).-Ба иттилои Вазорати корҳои дохилии кишвар дар шаш моҳи соли равон ба телефонҳои боварии вазири корҳои дохилӣ 1232 нафар шаҳрванд муроҷиат карда, арзу шикоятҳои худро пешниҳод кардааст.
Бино ба иттилои манбаъ, барои мустаҳкам ва тавсеа бахшидани ҳамкорӣ бо ҷомеа телефони боварии вазири корҳои дохилӣ, сардорони раёсатҳои ВКД дар шаҳри Душанбе ва вилоятҳои ҷумҳурӣ шабонарӯзӣ фаъолият доранд. Ба фаъолияти ин телефонҳо эътибори махсус дода мешавад. Натиҷаи кори онҳо мунтазам баҳогузорӣ мегардад. 
Дар бораи содиршавии ҷиноятҳо ба телефони боварии вазири корҳои дохилӣ 250 нафар, ба телефони боварии сардори РВКД дар шаҳри Душанбе 8 нафар, ба телефони боварии сардори РВКД дар вилояти Суғд 80 нафар, ба телефони боварии сардори РВКД дар вилояти Хатлон 122 нафар, ба телефони боварии сардори РВКД дар минтақа ва ноҳияи Рашт  11 нафар ва ба телефони боварии сардори РВКД дар ВМКБ 21 нафар муроҷиат намудааст, ки дар ин муддат дар бораи содиршавии ҷиноят 492 нафар муроҷиат намудааст.