13 ҷангии ДИИШ бо ваҳшонияти хоси худи онҳо кушта шуд

Душанбе, 01.07.2015. (АМИТ «Ховар»). — Қатли ваҳшатбори ин террористон аз ҷониби ҷангиёни созмони дигари террористӣ — “Ҷайш-ул-Ислом” дар Сурия анҷом ёфтааст.
Дар ин бора расонаҳои ғарбӣ хабар медиҳанд.
Онҳо 13 нафар ифротгароёни гурӯҳи ба ном “Давлати исломиро” либоси сиёҳ пӯшонда ва сари зону нишонда, ҳадафи тир қарор додаанд.
Ҷангиёни “Ҷайш-ул-Ислом” дар бар либоси зарди афлесунӣ доранд. Одатан ифротгароёни гурӯҳи ба ном “Давлати исломӣ” асирони худро чунин либосҳо пӯшонда, қатл мекунанд.
Ин дафъа зоҳиран нақшҳо иваз шуда, ифротгароёни ДИИШ худ қурбонии террори даҳшатафканони гурӯҳи дигари тундрав шудаанд.
Хотиррасон бояд намуд, ки “Ҷайш-ул-Ислом” созмони террористии зидди Ҳукумати Сурия мебошад.