19 деҳаи ноҳияи Вахш табдили ном кард

Душанбе, 21.07.2015.(АМИТ «Ховар», Марзия Саидзода).-Аъзои палатаи болоии Парлумони Тоҷикистон дар иҷлосияи дуюми Маҷлиси миллӣ номи 19 деҳаро дар  ноҳияи Вахши вилояти Хатлон тағйир доданд. Тибқи он номи деҳаи Препадная ба Шаршара, Сафедов ба Сафедоб, Ленинград ба Зархез, деҳаи 50-солагии Комсомол ба Чорбоғ, 1 май ба Нуробод, Қараланг ба Деҳқонобод,  Қизилтумшуқ ба Файзбахш, Янгиобод ба Истиқлол, Яккадин ба Гулбоғ, Қушқудуқ  ба Иттифоқ,  Томчӣ ба Лолазор,  Куйканак ба Меҳробод табдил дода шуд.
    Инчунин номи деҳаҳои Қазоқон ба  Пистазор, Дунғизадир ба Баракат, Қучқорбулоқ ба Офтобрӯя,  Учбулоқ ба Сечашма, Қарабодом ба Гулибодом, Тераклитоғ ба Орзу ва  Тошробод  ба Дӯстӣ иваз гардид. Деҳаҳои мазкур дар ҳудуди  деҳоти Рӯдакӣ, 20-солагии Истиқлолияти Тоҷикистон, Тоҷикобод, Ваҳдат ва Машъали ноҳияи Вахш воқеанд.