470,3 млн. кВт. соат неруи барқ зиёдтар истеҳсол гардид

Душанбе, 23.07.2015. (АМИТ «Ховар», Ситораи Боймурод).-Тибқи  маълумоти фаврии Вазорати энергетика  ва захираҳои оби Ҷумҳурии Тоҷикистон дар нимсолаи якуми соли 2015 истеҳсоли неруи барқ дар ҷумҳурӣ 8 млрд. 658 млн. кВт. соатро ташкил намуд, ки нисбат ба ҳамин давраи соли гузашта 470,3 млн. кВт. соат ё 5,7 фоиз зиёд мебошад,-гуфт Усмоналӣ Усмонзода, вазири энергетика ва захираҳои оби Тоҷикистон 22 июл зимни нишасти матбуотӣ.
Аз ҷумла, дар ширкати «Барқи тоҷик» 7млрд. 210 млн. кВТ. соат неруи барқ истеҳсол шудааст, ки нисбат ба  ҳамин давраи соли гузашта 406,5 млн. кВт соат ё 6 фоиз зиёд мебошад; дар ҶСК НБО «Сангтӯда-1»- 993,2 млн. кВт. соат, ки нисбат ба ҳамин давраи соли гузашта 14,3 млн. кВт. соат ё 1,4 фоиз кам мебошад;  дар ҶСК НБО «Сангтӯда-2»- 360,4 млн.кВт. соат, ки  нисбат хамин давраи соли гузашта 78,7 млн. кВт. соат ё 27,9 фоиз зиёд мебошад; дар ҶСК «Помирэнерҷӣ»- 93,7млн, кВт. соат, ки нисбат ба ҳамин давраи соли гузашта 0,7млн. кВт. соат ё 0,7 фоиз кам мебошад.
Дар давраи ҳисоботӣ ҳаҷми умумии содироти неруи барқ 546,4 млн. кВт. соатро ташкил дод, аз ҷумла ба Ҷумҳурии Исломии Афғонистон 504 млн. кВт. соат ва ба Ҷумҳурии Қирғизистон 40,3 млн. кВт. соат содирот шуд.