Афзоиши фишорҳои қурбии берунӣ
Душанбе, 22.07.2015. (АМИТ «Ховар», Лайло Тоирӣ).- Сабаби афзоиши фишорҳои қурбии беруниро дар ҷумҳурӣ аз нимсолаи дуюми соли 2014 то инҷониб,- гуфт раиси Бонки миллии Тоҷикистон Ҷамшед Нурмуҳаммадзода дирӯз зимни нишасти матбуотӣ ба хабарнигорон,-бояд пеш аз ҳама ба омилҳои берунӣ-иқтисодӣ, бахусус вазъи шадиди геосиёсӣ дар Русия ва ноустувории рушди иқтисодиёти кишварҳои шарикони асосии савдо вобаста кард.
«Ҳолати мазкур дар навбати худ боиси номувозинатии ҳаракати сармояи хориҷӣ ва лаппишҳои қурбӣ дар иқтисодиёти кишварҳои рӯ ба инкишоф гардидааст»,- афзуд раиси Бонки миллӣ.
Новобаста аз тадбирҳои андешидашуда, дар нимсолаи якуми соли ҷорӣ тамоюли пастравии бемайлони қурби сомонӣ дар ҷумҳурӣ ҷой дошт ва қурби расмии он нисбат ба доллари ИМА аз 5,3074 сомонӣ то 6,2602 сомонӣ (18,0 фоиз) поён рафт.
Қурби бозории хариду фурӯши асъори хориҷии нақдӣ барои 1 доллари ИМА аз 5,4600 сомонӣ то 6,5300 сомонӣ ё худ 19,6 фоиз тағйир ёфт. Дар баробари ин, дар ин давра қурби расмии сомонӣ нисбат ба евро 8,8 фоиз ва рубли русӣ 31,8 фоиз коҳиш ёфт.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
