Амалиёти нави ҳарбӣ дар 7 вилояти Афғонистон

Душанбе,  22.07.15. (АМИТ «Ховар»). – Бино  ба хабари  расмии ВКД Ҷумҳурии  Исломии  Афғонистон, шабонарӯзҳои  гузашта  бар  асари  амалиёти  ҳарбӣ  дар  минтақаҳои  мухталифи    кишвар 20  нафар  силоҳбадастон  кушта ва  2  нафари онҳо ҳабс  шуданд. 
Дар  хабари мақомоти ҳифзи  ҳуқуқ  гуфта  мешавад, ки амалиёти  ҳарбӣ  дар  ҳудуди  вилоятҳои  Нангарҳор,  Тахор,  Қундуз,  Форёб,  Сари пул, Урузгон ва  Лугар  сурат гирифт.
Хидматчиёни  пулиси  миллии  Афғонистон дар  ҷараёни  амалиёти  ҳарбӣ миқдори  муайяни  лавозимоти  ҷангиро  мусодира  намуданд. 
Ҳамзамон  Вазорати  мудофиаи Ҷумҳурии  Исломии  Афғонистон  хабар  дод, ки  дар  давраи зикршуда бар  асари  амалиёти  ҳарбӣ  як   сарбози  Афғонистон  ҳалок  гардид.