Ҷамъбасти натиҷаҳои фаъолияти Кумитаи сармоягузорӣ

Душанбе, 16.07.2015. (АМИТ «Ховар»). — Имрӯз дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҷаласаи васеи ҳайати мушовара оид ба ҷамъбасти натиҷаҳои фаъолияти кумита дар шашмоҳаи аввал ва вазифаҳо барои нимсолаи дуюми соли 2015доир гардид.
Дар кори ҷаласа муовини якуми Сарвазири Ҷумҳурии Тоҷикистон Давлаталӣ Саид, вазири молия Қурбониён Абдусалом, вазири нақлиёт Ганҷалзода Шералӣ ва роҳбарону намояндагони як қатор вазорату идораҳо ширкат варзиданд.
Раиси Кумитаи давлатии сармоягузорӣ ва идораи амволи давлатӣ Қодири Қосим аз рўи натиҷаҳои ҷамъбасти фаъолияти Кумита дар шашмоҳи аввал ва вазифаҳои Кумита барои нимсолаи дуюми соли 2015 маърўза кард.
    Муовини якуми Сарвазири Ҷумҳурии Тоҷикистон Давлаталӣ Саид дар  ҷаласа  таваҷҷуҳи ҳозиринро ба вазъи натиҷаҳои таҳлили кунунии фаъолияти марказҳои татбиқи лоиҳаҳо ҷалб намуд. Фаъолияти натиҷаи кори беш аз 30 маркази татбиқи лоиҳаҳои сармоягузии давлатӣ, иҷрои вазифаҳо аз ҷониби агентиҳои иҷроия мавриди баррасии васеъ қарор дода шуд. 
Давлаталӣ Саид зимни суханронӣ вобаста ба такмили фаъолияти Кумита ва сохторҳои он дар самти истифодаи самараноки моликияти давлатӣ, ислоҳоти моликият, рушди соҳибкорӣ, ҷалби бештари сармоягузорӣ пешниҳодҳо намуда, баҳри рафъи камбудию норасоиҳо ба вазорату идоаҳо ва марказҳои татбиқи лоиҳаҳо супоришҳои судманд дод.