Амири бомбгузорони маргталаби ДИИШ кушта шуд

Душанбе, 04.07.2015. (АМИТ «Ховар», Тоҷиддин Аҳмадзода).- Ҷеф Девис, сухангӯи Вазорати хориҷаи Амрико  эълом кард, ки Ториқ Бин Тоҳир  Алъавнӣ Алхаразӣ, шаҳрванди 33 солаи Тунис, яке аз саркардагони ДИИШ дар ҳамлаи хавоии неруҳои эътилоф дар Сурия кушта шуд. Вай ҳамоҳангкунандаи бомбгузориҳои маргталабона ва масъули ҷазби неру ва манбаъҳои молӣ барои ДИИШ дар Ироқ ва ирсоли аслиҳа аз Либия ба Сурия  буда, бо номи «Амири бомбгузорони маргталаб » машҳур буд. Артиши Амрико барои сари ин узви ДИИШ се миллион доллар  ҷоиза таъйин карда буд.