Барқияи табрикии Эмомалӣ Раҳмон ба Барак Обама
Душанбе, 04.07.2015. (АМИТ «Ховар»). — Президенти Ҷумҳурии Тоҷикистон Эмомалӣ Раҳмон ба Президенти Иёлоти Муттаҳидаи Амрико Барак Ҳусейн Обама барқияи табрикӣ ирсол намуд, ки дар он аз ҷумла омадааст:
«Ҷаноби Олӣ,
Табрикоти самимии маро ба муносибати Иди миллии кишвар – 239-умин солгарди Рузи истиқлолияти Иёлоти Муттаҳидаи Амрикоро – қабул фармоед.
Ҷумҳурии Тоҷикистон ба густариши робитаҳои дарозмуддати босуботи дўстӣ ва ҳамкорӣ бо Иёлоти Муттаҳидаи Амрико манфиатдор монда, ба вазъи муносибатҳои дуҷониба таваҷҷўҳи пайваста зоҳир менамояд.
Боиси хушнудист, ки раванди ҳамкории судманди байни Тоҷикистон ва Иёлоти Муттаҳидаи Амрико имрўз фарогири бисёр соҳаҳои сиёсӣ, амниятию низомӣ, гуманитарию иҷтимоӣ ва тиҷоративу иқтисодӣ гардидаанд. Дар ин росто ҳамкории пурмаҳсули ҷонибҳоро дар масъалаҳои гуногуни таъмини суботу амнияти минтақавӣ ва мубориза бар зидди хатару таҳдидҳои глобалӣ низ хуб арзёбӣ менамоем.
Мутмаинам, ки бо саъю эҳтимоми ҳар ду тараф ҳамёрии мо дар ояндаи наздик ҷанбаҳои нави ҳамкории мутақобилан судмандро фаро хоҳад гирифт. Ҷониби мо дар ин самт саъю кўшиши заруриро ба харҷ хоҳад дод.
Бо ибрози орзўҳои беҳтарин ба ҷаноби Президент сиҳатии комил ва пирўзиҳои нав ба нав ва ба мардуми дўсти Амрико – пешрафту шукуфоӣ орзумандам».
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
