Барои ТАҚХ “Матин”- ҳуқуқи амалиёти бонкӣ манъ карда шуд

Душанбе, 11.07.2015. (АМИТ «Ховар», Раъно Нусратуллозода).-Бо Қарори навбатии Раёсати Бонки миллии Тоҷикистон аз 10 июли соли равон барои ҶДММ ТАҚХ “Матин” ҳуқуқи иҷрои амалиёти интиқоли маблағҳои пулӣ бо фармоиши муштариён ба муҳлати 1 сол манъ карда шуд.
Тибқи иттилои Бонки миллии Тоҷикистон  қарори мазкур нисбат ба ҶДММ ТАҚХ “Матин” бинобар сабаби риоя накардани талаботи қонунгузории бонкии ҷумҳурӣ ва санадҳои меъёрии ҳуқуқии Бонки миллии Тоҷикистон, такрор ба такрор роҳ додан ба камбудиҳо дар самти бе кушодани суратҳисоби бонкӣ интиқол додани маблағҳои асъори хориҷии нақд ба хориҷи кишвар  қабул шудааст.