Беэҳтиётии ронандагон сабаби марги се кӯдак гардид
Душанбе, 06.07.2015. (АМИТ «Ховар», Лайло Тоирӣ).- 3 кӯдаки хурдсол дар натиҷаи се садамаи нақлиётӣ аз беэҳтиётии ронандагон ба ҳалокат расид .
Ронандаи мошини “Daewoo Ciello”, сокини 31-солаи ноҳияи А.Ҷомӣ, ҳангоми ҳаракат аз ноҳияи Ёвон ба ноҳияи А.Ҷомӣ аз уҳдаи идораи воситаи нақлиёт набаромада, писарчаи 7-соларо пахш намудааст. Дар натиҷа, ноболиғ ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Дар ҳудуди деҳаи Нури Вахши ноҳияи Ҷиликӯл, ронандаи мошини «Opel-Astra”, сокини 25-солаи ҳамин ноҳия, ҳангоми рондани мошин бехатарии ҳаракат дар роҳро таъмин карда натавониста, духтарчаи 7-соларо пахш намудааст. Дар натиҷа хурдсол ҷароҳати вазнини ҷисмонӣ бардошта, дар ҷойи ҳодиса фавтидааст.
Ҳамчунин сокини 21-солаи ноҳияи Бохтар бе ҳуҷҷатҳои ронандагӣ ҳангоми ба қафо ба ҳаракат даровардани мошини тамғаи “ Opel- -vektra”, ки ба падараш тааллуқ дорад, ҷияни 2-солаашро пахш намудааст. Дар натиҷа, духтарчаи хурдсол аз ҷароҳатҳои вазнини бардошта дар ҷойи ҳодиса ба ҳалокат расидааст.
ВКД ҷумҳурӣ аз ҳамаи ронандагон хоҳиш мекунад, ки ҳангоми рондани воситаҳои нақлиётӣ қоидаҳои ҳаракат дар роҳҳо риоя намоянд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
