Дар Афғонистон бар асари тирпаронӣ 20 нафар фавтид

Душанбе, 27.07.2015. (АМИТ «Ховар»). — Бино ба иттилои оҷонсии «Синхуа» бо такя ба полиси маҳаллӣ, дар Афғонистон бар асари муноқиша дар тӯй 20 нафар ҳалок гашт. 
Ин воқеа шаби душанбеи 27-уми июл дар ноҳияи Деҳсалоҳи музофоти Бағлон дар километри 160-уми шимоли Кобул рух дод.
Бино ба гуфтаи сардори полиси ноҳияи мазкур Гулистон Хон, вақте  маросими тӯй ҷараён дошт, миёни шахсони мусаллаҳ тирпаронӣ сар шуд. Дар натиҷа 20 нафар ҳалок шуда, 10 нафари дигар маҷрӯҳ гашт.
Ӯ илова намуд, ки мардони  ҷароҳатбардошта ғайринизомӣ буданд.  
Мақомот барои муайян сохтани сабабҳои ин воқеа корҳои тафтишотиро оғоз кардаанд.