Дар Хатлон арзиши обёрии як гектар замин 66,5 сомонӣ аст

Қӯрғонтеппа, 15.07.15. (АМИТ «Ховар», Мурод  Сотиев). — Деҳқонони  вилояти  Хатлон  барои обёрии  як  гектар  замин  66.5  сомонӣ  харҷ  мекунанд, —  гуфт  муовини  сардори Раёсати  обёрии вилояти  Хатлон Шамсиддин  Гадоев.
Ба  гуфтаи  мавсуф,  барои обёрии  киштзор  17  миллиону  754  сомонӣ  ҷудо  карда шудааст. Дар  нимаи  аввали  сол бо  истифода  аз  ҳисобкунакҳои барқии  марказҳои обкашӣ беш  аз  16 миллион  сомонӣ  сарфа  гардид.
«То имрӯз  на дар  ҳамаи  ноҳияҳои  вилоят ҳисобкунакҳои барқӣ  насб  шудаанд.  Дар   баъзе  ноҳияҳо тамоюли  афзудани  қарзҳо  барои  истифодаи  нерӯи  барқ  ба  назар  мерасад», — гуфт  Шамсиддин  Гадоев.