Дар шаш моҳ 1052 силоҳи оташфишон мусодира шуд

Душанбе, 25.07.2015 (АМИТ «Ховар», Лайло Тоирӣ),-  “Дар натиҷаи корҳои фаҳмондадиҳӣ ва ҳамкории самаранок бо аҳолӣ аз аҳолӣ аз аввал то ба имрўз 38 ҳазору 803 адад ва дар шаш моҳи соли равон 1052 (2014-985) адад силоҳи оташфишони ғайриқонунӣ дарёфт ва мусодира шуд”, -таъкид гардид имрӯз зимни нишасти матбуотии Вазорати корҳои дохилии ҶТ.
Дар ин муддат 15 ҳолати  таълимоти ғайриқонунии динӣ, ки дар онҳо 37 шаҳрванд, аз ҷумла 29 ноболиғ ғайриқонунӣ ба тадриси илмӣ-динӣ машғул будаанд, ошкор ва 178 ҳолати монеъ шудан ба гирифтани таълимоти ҳатмӣ муайян  ва ба қайд гирифта шуд. 
“Аз ҷониби ноболиғон 422 (соли 2014 — 468)ҷиноят ба қайд гирифта шудааст, ки нисбат ба ҳамин давраи соли гузашта 46 ҳолат камтар мебошад. Аз тарафи ҷавонон 3063 (соли 2014-2594)ҷиноят ба қайд гирифта шудааст. Дар муқоиса бо соли гузашта 469 ҳолат зиёд гардидааст”,-афзуд манбаъ.