Дар шаш моҳ беш аз 300 ҳазор шаҳрванди ҶТ ба хориҷа сафар кардааст

Душанбе, 13.07.2015. (АМИТ «Ховар», Лайло Тоирӣ).-Дар шаш моҳи аввали соли 2015- 391 ҳазору  203 нафар шаҳрванди  ҶТ ба хориҷа сафар намудааст. Аз ин ҳисоб 340 ҳазору 329 нафар мард ва 50 ҳазору 874 нафар зан мебошад. 
   Дар ин муддат 336 ҳазору 625 шаҳрванди ҷумҳурӣ ба муҳоҷирати меҳнатӣ рафт, ки аз ин шумора  300 ҳазору 521 нафар мард ва  боқимонда 36 104 нафар зан буд.
Аз шумораи умумии муҳоҷирон  331 ҳазору 253  нафар  ба Федератсияи Русия ва 5 372 нафар ба Қазоқистон  барои кор рафтаанд. 
Дар шаш моҳи аввали соли равон 219 ҳазору 948 нафар шаҳрванди ҷумҳурӣ ба ватан баргаштааст, ки аз ин шумора 187 ҳазору 468 нафараш аз муҳоҷирати меҳнатӣ бозгаштааст. 
Дар нимсолаи аввали соли 2015 аз Федератсияи Русия 182 ҳазору 292 нафар ва аз Қазоқистон  5 176 муҳоҷири меҳнатӣ ба Тоҷикистон баргаштааст.