Дар вилояти Форёб 34 силоҳбадаст кушта шуд
Душанбе, 14.07.15. (АМИТ «Ховар»). – Назар ба иттилои намояндагони Раёсати амнияти миллӣ, дар қисматҳои мухталифи вилояти Форёби Афғонистон камаш 34 нафар силоҳбадастон кушта шуданд.
Мухолифини мусаллаҳ дар вулусволии Ширин Тагоб аз ҳама бештар талафот додаанд. Дар ин ҷо 30 нафар шӯришгароне, ки баробари фаъолияти диверсионӣ ба рэкет (пулситонӣ бо усулҳои зӯроварӣ) низ машғул буданд, кушта шуданд. Ду нафар қумондонҳои толибон маъруф ба Абдулло ва Раҳмат аз ҷумлаи кушташудагонанд.
Ба иттилои агентии «Хома Пресс», дар натиҷаи ду амалиёти фарогир дар вулусволиҳои Давлатобод ва Алмар боз 4 нафар силоҳбдастон кушта шуданд, ки ду нафари онҳо ташкилкунандагони ҳамлаҳои фидоиён буданд.
Ёдовар мешавем, ки як ҳафта пеш якчанд вулусволиҳои вилояти Форёб, аз ҷумла вулусволиҳои Қайсар, Алмар ва Паштункот мавриди ҳамлаи шадиди толибон қарор гирифта буданд. Мақомоти хифзи ҳуқуқ, сарфи назар аз хафву хатари мавҷуда, амалиёти ҳарбиро дар ноҳияҳои забтшуда ба манзури таҳти назорати худ қарор додани вазъият идома медиҳанд.
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
