ДДМ: медалҳои донишҷӯён аз интернет-олимпиада

Душанбе, 29.07.2015. (АМИТ «Ховар», Ситораи Боймурод).- Донишҷӯёни филиали Донишгоҳи давлатии Маскав ба номи М.В. Ломоносов дар шаҳри Душанбе дар соли 2015 дар як интернет-олимпиадади байналмилалӣ ва ду олимпиадаи ҷумҳуриявии донишҷӯёни мактабҳои олӣ фаъолона иштирок намуда, дар маҷмӯъ 13 медал ба даст оварданд, аз ҷумла 4 медал барои ҷойи якум, 2 медал барои ҷойи дуюм ва 7 медали дигар  барои ҷойи  сеюм.
Гуфта мешавад, ки таъмини донишҷӯёни филиал бо компютер ва маводи иттилоотӣ барои амалӣ намудани фаъолияти сифатноки таълимӣ кофӣ буда, ба талаботи литсензионӣ ва аккредатсионӣ мувофиқ мебошад. Ин нишондиҳанда мувофиқи меъёрҳои қабулгардида ба 10 адад баробар буда, дар ҷараёни таълими филиал ба ҳар 100 донишҷӯ 18,1 компютер рост меояд, ки ин аз меъёри муқарраргардида хеле зиёд мебошад.