ДМИТ 17 донишҷӯи хориҷӣ дорад

Душанбе,22.07.2015. (АМИТ «Ховар», Раъно Нусратуллозода).-Ҷалби донишҷӯёни хориҷӣ ва равон намудани донишҷӯёни донишкада ба хориҷи кишвар барои идомаи таҳсил аз самтҳои асосии фаъолияти кори шуъбаи робитаҳои байналмилалии донишгоҳ мебошад. Ин матлабро имрӯз зимни нишасти матбуотӣ ректори  Донишкадаи молия ва иқтисоди Тоҷикистон Ашурбой Солеҳзода иброз дошт.
А.Солеҳзода гуфт, ки имрӯз дар донишкада 17 донишҷӯи хориҷӣ дар зинаи бакалавр таҳсил дорад ва имсол барои дохил шудан ба донишкада 18 довталаб аз Афғонистон, Нигерия ва Ҷумҳурии мардумии Чин  ҳуҷҷатҳояшонро ба комиссияи қабули донишкада пешниҳод намуданд. Ҳамзамон 14 донишҷӯи донишкада барои идомаи таҳсил дар хориҷи кишвар қарор дошта, 15 нафари дигар аз моҳи сентябр ба муассисаҳои таълимии шарик аз рӯи барномаи «мубодилаи донишҷуён» фиристода мешавад.