Гар дасти фитодае бигирӣ, мардӣ!

Бахшида ба Рўзи маъюбон ва пиронсолон                     

Кӯлоб,08.07.2015. (АМИТ»Ховар», Фарҳоди Мадамин).-Ҳамасола дар Ҷумҳурии Тоҷикистон 8 июл ҳамчун Рўзи маъюбон ва пиронсолон таҷлил мегардад.  Дар робита ба ин  8 июл  дар Боғи фарҳангии шаҳри Кўлоб ҷашни мазкур бо ташаббуси Мақомоти иҷроияи ҳокимияти давлатии шаҳри Кўлоб, ташкилоти ҷамъиятии «Заршедабону» (роҳбараш Қаламниссо Абдуқаюмова), «Дунёи кўдакон» ва Агентии давлатии ҳифзи иҷтимоӣ ва нафақа дар шаҳри Кўлоб таҷлил гардид.
Чорабинии мазкур дар чаҳорчӯбаи амалисозии лоиҳаи муштараки Миссияи шарқ таҳти унвони «Бишнав  садои маро», ташкилоти «Мушфиқи маъюбон»,  Ассотсиатсияи кўдакони имконияташон маҳдуди шаҳри Кўлоб ва Муассисаи хизматрасонӣ дар хона ташкил  шуд. 
-Ҳамзамон дар чорабинӣ маҳсулоте, ки бо дастони ашхоси дорои имконияти маҳдуд офарида шудаанд, ба тамошои ширкаткунандагон гузошта шуда, маблағи фурӯши онҳо ба рушди минбаъдаи ҳаракати маъюбон равона хоҳад шуд,- иброз дошт роҳбари ташкилоти ҷамъиятии «Заршедабону» Қаламниссо Абдуқаюмова.