Хатсайри Хуҷанд-Истанбул фаъол мешавад

Хуҷанд, 29.07.2015. (АМИТ «Ховар»).- Тавре ки аз хадамоти матбуоти раиси вилояти Суғд иттилоъ доданд, 3 августи соли ҷорӣ нахустхатсайри Хуҷанд — Истанбул фаъол мешавад. Директори генералии «Фурудгоҳи байналмилалии Хуҷанд» Маъруф Маҳмудзода гуфт, бо дастгирии Ҳукумати Ҷумҳурии Тоҷикистон ва бо мақсади васеъ намудани ҷуғрофияи парвозҳо хатсайрҳои мунтазами ширкати ҳавопаймоии «Тurkish Airlines» аз рӯи хатсайрҳои Истанбул-Хуҷанд ва Хуҷанд-Истанбул ба кор оғоз мекунанд.
Ба гуфти М. Маҳмудзода: «Оғози парвозҳои мунтазам аз «Фурудгоҳи байналмилалии Хуҷанд»  бо зудии теъдоди парвоз ҳафтае ду маротиба ба «Фурудгоҳи байналмилалии Отатурк»-и шаҳри Истанбул, ки яке аз марказҳои транзитии пешрафтаи ҷаҳон ба ҳисоб меравад, барои ба даст овардани алоқаи боэътимод аз Хуҷанд ба минтақаҳои гуногуни ҷаҳон мусоидат мекунад.
Нахустпарвози тайёра дар хатсайри мунтазами Хуҷанд-Истанбул бегоҳии 3 август сурат мегирад