Хоҷагиҳои ҷангали Суғд нақшаи барқароркунии ҷангалро иҷро накарданд

    Душанбе,21.07.2015. (АМИТ «Ховар», Раъно Нусратуллозода).- «Хоҷагиҳои ҷангали вилояти Суғд дар майдони 308 гектар ҷангал бунёд карда, нақшаро барзиёд иҷро намуданд»,- зикр намуд директори Агентии хоҷагии ҷангали назди Ҳукумати Ҷумҳурии Тоҷикистон  Азизулло Исматзода зимни нишасти матбуотӣ 21 июл.  Хоҷагиҳои ҷангали вилояти Хатлон ва минтақаи Кӯлоб,  ҳамчунин  хоҷагиҳои ҷангали шаҳру ноҳияҳои тобеи марказ, ба ғайр аз хоҷагиҳои ҷангали ноҳияи Нуробод, «Ромит»- и шаҳри Ваҳдат ва Роғун корҳои бунёди ҷангалро пурра таъмин намуданд.

         Азизулло Исматзода иброз дошт, ки иҷрои нақшаи барқароркунии ҷангалзор дар хоҷагиҳои ҷангали вилояти Суғд суст ба роҳ монда шуда, ба ҷои 164 гектари нақша, ҳамагӣ 22 гектар таъмин гардидаасту халос. Дар вилоят ба ғайр аз хоҷагиҳои ҷангали шаҳри Панҷакент ва ноҳияи Кӯҳистони Мастчоҳ  дар дигар  хоҷагиҳо корҳо оид ба барқароркунии ҷангал гузаронида нашудаанд.