Хоруғ: нарх дар бозорҳо хеле паст шудааст
Хоруғ, 24.07.2015. (АМИТ «Ховар», Файз Мирҳасан).-Бо иқдоми Ҳукумати Ҷумҳурии Тоҷикистон бо мақсади коҳиш додани нархи махсулоти ғизоӣ дар бозори «20-солагии Истиқлол»и шаҳри Хоруғ ярмарка-фурӯши маҳсулоти кишоварзӣ баргузор гардид, ки он ду рӯз идома хоҳад ёфт. Ёдовар мешавем, ки тӯли се рӯзи масдуд будани роҳи мошингарди Душанбе-Хоруғ нархи маводи ғизоӣ дар бозору мағозаҳои шаҳри Хоруғ бамаротиб боло рафт. Барои мисол қимати як килограмм помидору бодиринг аз севу ним сомонӣ ба 8 сомонӣ баромад. Як дона нони танӯрӣ, ки қаблан се сомонӣ арзиш дошт, то ба 6 сомонӣ расид. Масъулини бахши вилоятии «Тоҷикматлубот», яке аз дигар роҳандозони ин ярмарка, баён доштанд, ки ҳоло нархи маҳсулоти кишоварзӣ дар бозор хеле пасттар шудааст. Масалан, нархи тарбуз барои як килограмм аз 5 то 10 сомонӣ, харбуза аз 5 то 10 сомонӣ, пиёз-2 сомонӣ, картошка аз 1,80 то 2 сомонӣ, бодирингу помидор- 2 сомонӣ барои килограмм муқаррар гардидааст. Дар ярмарка намудҳои дигари маҳсулоти кишоварзӣ низ ба фурӯш бароварда мешаванд. Қаблан чунин намоиш- фурӯши маводи ғизоӣ ва маҳсулоти кишоварзӣ дар ноҳияҳои Дарвозу Ванҷ ва Рӯшон доир шуданд.
Агентии захираҳои моддии давлатии назди Ҳукумати Ҷумҳурии Тоҷикистон ташкили чунин ярмаркаҳоро дар оянда низ дар назар дорад.
Дурнамо ва густариши ҳамкорӣ байни Тоҷикистон ва Покистон баррасӣ гардид
Далер Наимов: «Дастаи мо аз шахсони зираку кордон иборат аст»
Имрӯз дар Душанбе ҳавои камабри бебориш дар назар аст
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
