Иҷозат барои вуруди донишҷўёни тоҷик ба Федератсияи Русия
Душанбе, 22.07.2015. (АМИТ «Ховар», Лайло Тоирӣ).- Бино ба иттилои Вазорати меҳнат, муҳоҷират ва шуғли аҳолии Ҷумҳурии Тоҷикистон вуруди донишҷўён-шаҳрвандони Ҷумҳурии Тоҷикистон, ки дар муассисаҳои таълимии Федератсияи Русия таҳсил мекунанд, бинобар вайрон намудани қонунгузории Федератсияи Русия ба муддати муайян ба ин давлат манъ мешавад. Масъалаи гирифтани иҷозати дубораи воридшавии донишҷўён — шаҳрвандони Ҷумҳурии Тоҷикистон аз ҷониби гурўҳи экспертии Тоҷикистону Русия баррасӣ мегардид. Аз ҷумла, зиёда аз 200 донишҷўй иҷозати дубораи воридшавӣ ба қаламрави Федератсияи Русияро гирифта буд.
Сардори Раёсати муносибатҳои байналмилалӣ ва робита бо ҷомеаи Вазорати меҳнат, муҳоҷират ва шуғли аҳолии Ҷумҳурии Тоҷикистон Латифӣ Усмоналӣ Ноибпур зикр намуд, ки бо мақсади баррасии фаврии ҳолатҳои мазкур бо тасмими Хадамоти федералии муҳоҷирати Русия ин кор минбаъд аз ҷониби Намояндагии хадамоти болозикр дар Ҷумҳурии Тоҷикистон амалӣ мешавад. Мувофиқи тартиби нав аризаҳои донишҷўён — шаҳрвандони Ҷумҳурии Тоҷикистон бо замимаи ҳуҷҷатҳои тасдиқкунанда барои дарёфти иҷозати дубораи вуруд ба қаламрави Федератсияи Русия аз ҷониби Намояндагии Хадамоти федералии муҳоҷирати Русия дар Ҷумҳурии Тоҷикистон қабул мешавад. Пешниҳоди ҳуҷҷатҳо ба ҷониби Федератсияи Русия дар муддати як шабонарўз сурат гирифта, дар муҳлати даҳ шабонарўз аз ҷониби дастгоҳи марказии Хадамоти федералии муҳоҷирати Русия баррасӣ мегардад.
Бинобар ин ба донишҷўён — шаҳрвандони Ҷумҳурии Тоҷикистон, ки воридшавиашон ба муддати муайян ба Федератсияи Русия манъ шудааст, бояд барои гирифтани иҷозати воридшавии дубора ба ин давлат ба нишонии шаҳри Душанбе, кўчаи Л. Толстой, 67 муроҷиат намоянд.
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
Иштироки ҳайати Тоҷикистон дар Симпозиуми байналмилалии авиатсияи гражданӣ дар Амороти Муттаҳидаи Араб
