Ҳисор: корзори ҳақиқии меҳнати босубот

Ҳисор, 03.07.2015. (АМИТ «Ховар», Ҳотами Шариф).-Бахшида ба 3 000- солагии Ҳисор сохтмони варзишгоҳ барои 20 ҳазор ҷои нишаст дар арафаи анҷомёбист. Дар сохтмони варзишгоҳи мазкур, ки маблағгузории онро Ҳукумати ҶТ ба уҳда дорад, 10 ширкати сохтмонӣ аз гӯшаву канори мамлакат ширкат дорад. Аз ҷумла, коргарону матахассисони ҶДММ «Усто Шамс», «Мунис», «Мадад», «Васли тоҷик», «Насби нур» саҳми арзанда доранд. 
Алҳол иншооти мазкур ба корзори ҳақиқии меҳнати босубот, арсаи диловарӣ ва майдони ҳарбу зарби меҳнатӣ табдил ёфтааст.  Корҳои сохтмонӣ дар 400 иншооти дигар низ босуръат идома доранд.