Кӯлоб: фарогирии омӯзгорон ба бозомӯзӣ

Кӯлоб, 04.07.2015. (АМИТ «Ховар», Сулаймони Хол).-Аз ҳисоби фармоишгар-Донишкадаи такмили ихтисос ва бозомӯзии кадрҳои соҳаи маорифи Ҷумҳурии Тоҷикистон ва ҷалби соҳибкори инфиродӣ Илҳом Сафаров дар муассисаи давлатии Донишкадаи такмили ихтисос ва бозомӯзии кормандони  соҳаи маориф дар минтақаи Кўлоб корҳои таъмиру тармим оғоз гардиданд.
Бино ба иттилои директори муассисаи мазкур корҳои рангуборкунӣ дар ҳамаи утоқҳои корӣ ва роҳрави бино бо қувваи кории кормандон ҷараён доранд. Дар як қисмати утоқҳои машғулиятгузаронӣ дастгоҳҳои муосири таълимӣ насб шудаанд. 
Ба омӯзиш фаро гирифтани омӯзгорон дар соли ҷорӣ аз моҳи август оғоз меёбад ва тибқи нақшаи таълимии донишкада ва Вазорати маориф ва илми Ҷумҳурии Тоҷикистон зина ба зина кормандони соҳа ба машваратҳо ҷалб мегарданд.