Кӯлоб: вусъати корҳои сохтмонӣ дар 167 иншоот

Кӯлоб, 28.07.2015. (АМИТ «Ховар», Фарҳод Мадаминов).-Дар давоми шаш моҳ аз ҷониби соҳибкорони шаҳри Кӯлоб 7 иншоот ба маблағи 4,6 миллион сомонӣ ба истифода дода шуд. Дар 167 иншооти дигар аз ҷумла, дар 24 корхонаи истеҳсолӣ, 9 муассисаи таълимӣ, 4 муассисаи тиббӣ корҳои сохтмонӣ идома доранд. Ҳамзамон 17 хонаи истиқоматӣ сохта шуда, дар 1610 хонаи истиқоматии дигар корҳои сохтмонӣ идома доранд. 
То ба имрӯз нақшаи андозҳо 117,3 фоиз таъмин гардида, ба буҷа ба ҷойи 20,2 миллион сомонии пешбинишуда 23,7 миллион сомонӣ маблағ ворид гардид, ки нисбат ба нақша 3,5 миллион сомонӣ ва нисбат ба ҳамин давраи соли гузашта 5,6 миллион сомонӣ зиёд мебошад.