Канали Фарғона аз партовҳо тоза гардид
Хуҷанд, 29.07.2015. (АМИТ «Ховар»).- Тавре ки аз хадамоти матбуоти раиси вилояти Суғд иттилоъ доданд, сокинони ноҳияи Бобоҷон Ғафуров ба ҳашари умумӣ баромада, канали калони Фарғонаро, ки дар давоми ду сол инҷониб аз партовҳо ва обсабзҳо тоза нашуда буд, ба таври ҳашар аз партовҳо ва алафҳои худрӯй тоза карданд.
Бояд зикр намуд, ки канали калони Фарғона барои таъмини заминҳои ҷамоатҳои Унҷӣ, Ёва ва Ғозиён, инчунин заминҳои хоҷагиҳои кишоварзии ба номи Саидхӯҷа Ӯрунхӯҷаев ва Раҳмон Набиеви ноҳияи Бобоҷон Ғафуров бо об хизмат мекунад.
Канали Фарғона солҳои 1939-1940 мавриди баҳрабардорӣ қарор гирифта, 33 километри он аз ҳудуди ноҳияи Бобоҷон Ғафуров мегузарад.
Дар ҳашари дастаҷамъӣ, ки охири ҳафтаи гузашта сурат гирифт, кормандони сохторҳои мақомоти иҷроияи ноҳия, ташкилоту муассисаҳо ва аҳолии ҷамоатҳои деҳоти Унҷӣ, Ёва, Ғозиён ва дигар шахсони хайрхоҳ саҳмгузорӣ намуданд. Дар ин рӯз кормандони Идораи давлатии беҳдошти замин ва обёрии ноҳия, бахши ноҳиявии ҳифзи муҳити зист ва аҳолӣ дар умум 3 километри каналро аз ҳама гуна партовҳо ва ифлосиҳо тоза намуданд.
«САҲМИ МАН ДАР ШАҲРИ МАН». Имрӯз бахшида ба Рӯзи пойтахт иқдоми шаҳрӣ доир карда мешавад
Имрӯз дар Тоҷикистон бориши борон дар назар аст
Имрӯз дар Душанбе ҳаво то 22 дараҷа гарм мешавад
Дар Тоҷикистон Форуми амниятии Осиёи Марказӣ баргузор мегардад
Имрӯз дар Тоҷикистон ҳавои тағйирёбанда пешгӯӣ мешавад
ТАҚВИМИ АМИТ «ХОВАР»: имрӯз 9 апрел, панҷшанбе, 99-умин рӯзи соли 2026 аст
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
