Коҳиши боркашонӣ дар КВД «Роҳи оҳани Тоҷикистон»

Душанбе, 21.07.2015. (АМИТ «Ховар», Лайло Тоирӣ).-  Дар нимсолаи якуми соли равон ҳаҷми боркашонӣ дар КВД «Роҳи оҳани Тоҷикистон» 2 млн. 860 ҳазор тоннаро ташкил дод, ки нисбат ба ҳамин давраи соли гузашта -364 ҳазор тонна ё 11,3 % кам мебошад. Ин нуктаро имрӯз зимни нишасти матбуотӣ муовини  аввали сардори КВД «Роҳи оҳани Тоҷикистон» Баҳром Шодиев  ироа намуд. 
Боркашонии транзитӣ  486 ҳазор тоннаро ташкил дод, ки назар ба ҳамин давраи соли гузашта 245 ҳазор тонна ё 33,6 % кам шудааст. 
Бино ба иттилои Б.Шодиев боркашонии худӣ 2 млн. 374 ҳазор тоннаро ташкил дод, ки нисбат ба ҳамин давраи соли гузашта 119 ҳазор тонна кам мебошад. Содироти молҳои хоҷагии халқ 307 ҳазор тоннаро ташкил дод, ки нисбат ба ҳамин давраи соли 2014 — 48 ҳазор тонна зиёд мебошад.