Корҳои илмӣ-тадқиқотии донишҷӯён ҷамъбаст гардиданд

Душанбе, 09.07.2015. (АМИТ «Ховар», Ситораи Боймурод).-  Озмуни ҷумҳуриявии корҳои илмӣ-тадқиқотии донишҷӯёни муассисаҳои таҳсилоти олии касбии Ҷумҳурии Тоҷикистон таҳти унвони «Донишҷӯ ва пешрафти илмию техникӣ-2015», ки ҳар сол бахшида ба ҷашнвораҳои ҷумҳуриявӣ миёни муассисаҳои таҳсилоти олии касбии ҷумҳурӣ гузаронида мешавад, дар давраи ҳисоботӣ дар моҳи июни соли равон ҷамъбаст гардид.
Тавре ки дар ин бора Вазорати маориф ва илми кишвар хабар додааст, дар озмуни мазкур 13 муассисаи тахсилоти олии касбии ҷумҳурӣ 146 кори илмӣ-тадқиқотии донишҷӯёнро манзур намуданд. Аз ин миқдор корҳои пешниҳодгардида 28 кор сазовори дипломи дараҷаи 1, 2, 3  ва ифтихорнома гардид, ки 15 дипломи дараҷаи 1, 12 дипломи дараҷаи 2, 3 дипломи дараҷаи 3 ва 3 ифтихорнома аз ҷумлаи он мебошад.