Кумакҳои пулии Эмомалӣ Раҳмон ба оилаҳои хонаашон вайроншудаи Рашт расонда шуд
Душанбе, 25.07.2015. (АМИТ «Ховар»). — Имрӯз бо супориши Президенти Ҷумҳурии Тоҷикистон Эмомалӣ Раҳмон Сарвазири мамлакат Қоҳир Расулзода барои шиносоӣ бо корҳои барқарорсозии оқибатҳои офати табиӣ ва расонидани кумакҳои пули Сарвари давлат ба ноҳияи Рашт рафт.
Дар ин сафар Сарвазири мамлакат аз мавзеъҳои офати табиӣ дидан карда, кумакҳои пулии Президенти кишвар Эмомалӣ Раҳмонро ба оилаҳои хонаашон пурра ва қисман вайроншуда расонид. Аз ҷумла, дар деҳаҳои Бедак ва Ҳалқа, ки бар асари офати табиӣ 35 хона пурра ва 8 хонаи дигар қисман вайрон шуда буданд, ба соҳибони ин хонаҳо кумаки пулии Президенти кишвар Эмомалӣ Раҳмон расонида шуд.
Ёдовар мешавем, ки аз ҷониби Президенти Ҷумҳурии Тоҷикистон Эмомалӣ Раҳмон барои ҳар оилаи хонаашон аз офатҳои табиӣ пурра вайроншуда 10 ҳазор сомонӣ ва барои ҳар оилаи хонаашон қисман зарардида 6 ҳазор сомонӣ ҷудо гардидааст.
Мавриди зикр аст, ки сокинони зарардидаи ноҳияи Рашт бо маводи ғизоӣ, нерӯи барқ, алоқа ва маҳсулоти сохтмони пурра таъмин гашта, ҳоло бунёди манзилҳои истиқомати шурӯъ шудааст. Инчунин, корҳои бартарафсозии оқибатҳои офати табиӣ, аз ҷумла барқарорсозии роҳҳо бо суръат идома доранд.
Судяҳои Тоҷикистон дар Остона дар конфронси байналмилалӣ иштирок намуданд
«САҲМИ МАН ДАР ШАҲРИ МАН». Имрӯз бахшида ба Рӯзи пойтахт иқдоми шаҳрӣ доир карда мешавад
Имрӯз дар Тоҷикистон бориши борон дар назар аст
Имрӯз дар Душанбе ҳаво то 22 дараҷа гарм мешавад
Дар Тоҷикистон Форуми амниятии Осиёи Марказӣ баргузор мегардад
Имрӯз дар Тоҷикистон ҳавои тағйирёбанда пешгӯӣ мешавад
ТАҚВИМИ АМИТ «ХОВАР»: имрӯз 9 апрел, панҷшанбе, 99-умин рӯзи соли 2026 аст
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
