Куштори ҳамсар бо зарби корд

Душанбе, 10.07.2015. (АМИТ «Ховар», Раъно Нусратуллозода).-Зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия  сокини 36-солаи ноҳияи Фархор ҳамчун гумонбар дар содир намудани ҷинояти куштор дастгир гардид. 
Тибқи иттилои Вазорати корҳои дохилии ҷумҳурӣ гумонбаршуда 9 июл тахминан соати 12:30 дақиқа дар хонаи истиқоматиаш аз сабаби муноқишаи оилавии ба миён омада, бо ҳамсари 30-солааш ҷанҷол намуда, бо корди ошхонагии дар дасташ буда, 2 маротиба ба қафаси сина ва қисмати шиками ҳамсараш задааст. Дар натиҷа ҷабрдида ҷароҳати вазнини ҷисмонӣ бардошта, дар ҷойи ҳодиса фавтидааст. 
Дар робита ба ҳодисаи мазкур парвандаи ҷиноятӣ оғоз гардида, тафтиш идома дорад.