Маҳфили адабии Мастон Шералӣ дар Панҷакент

Суғд, 04.07.2015. (АМИТ «Ховар», Маҳмуд Аҳмадзода).- Тибқи нақшаи Раёсати Иттифоқи нависандагони Тоҷикистон  ва Мақомоти иҷроияи ҳокимияти давлатии шаҳри Панҷакент дар деҳаи Зериҳисор-зодгоҳи шоир маҳфили шеъри шоири зиндаёд Мастон Шералӣ доир гардид.
Мастон Шералӣ аз зумраи шоирони навҷӯю навгарои тоҷик дар асри 20 аст, ки имрӯз бо сурудаҳои хеш қалби мардуми фарҳангдӯсту накуноми кишвар ва намояндагони халқиятҳои мухталифи оламро тасхир намуда, шеърҳои ӯ ба хонандагон ғизои маънавӣ мебахшанд.
Аҳли илму адаб, дӯсторони шеъри ноби тоҷикӣ, ҳунармандон дар маҳфили эҷодӣ доир ба хусусиятҳои хоси шеъри шоир сухан гуфтанд. Мастон Шералӣ дар ҷодаи шоирӣ бо сабку услуби хосса ба адабиёт ворид гардида, ашъори шоир бештар андеша аст. Маҷмӯаи шеърҳои ӯ «Мавҷҳои Зарафшон», «Илҳом», «Реша дар об», «Ситораҳо», «Ташна», «Суруди роҳ», «Ихлос» буда, шеърҳояш чун чашмаи ҷӯшон аз қаъри дили ӯ фаввора задаанд.