Маҳви 23 шибҳинизомӣ ва як фармондеҳи Толибон

 Душанбе, 06.07.2015. (АМИТ «Ховар», Тоҷиддин Аҳмадзода)-Беш аз 10 шибҳинизомии Толибон дар натиҷаи ҳамлаҳои ҳавоии Афғонистон  дар вилояти Форёб, дар наздикии марз бо Туркманистон кушта шуданд. Ризо Ризо, сухангӯи сипоҳи низомии шоҳин- 209 гуфт, ки 23 нафар аз аъзои гурӯҳи шибҳинизомии Толибон пас аз ҳамлаҳои ҳавоӣ дар минтақаи Дилбӣ маҳв гардиданд. Вай афзуд, теъдоде аз  шибҳинизомиёни хориҷӣ, аз ҷумла шаш шаҳрванди Покистон ва як шаҳ рванди Ӯзбекистон дар миёни кушташудагон қарор доранд. Дар ҳамин ҳол, неруҳои ҳукуматии  Афғонистон як фармондеҳи калидии ҷангиёни Толибон  дар вилояти Ҳиротро низ нобуд кардаанд. Тибқи гуфтаи Сардори пулиси вилояти Ҳирот Абдул Маҷид Розӣ, Ҳоҷи Вазир, фармондеҳи Толибон дар ғарби Афғонистон дар натиҷаи  гузаронидани амалиёт дар як манзил безарар гардонида шуд.