Маҳви даҳҳо террористи ДИИШ дар Ироқ

 Душанбе, 20.07.2015. (АМИТ «Ховар», Тоҷиддин Аҳмадзода)-Мақомоти амниятии Ироқ аз кушта ва захмӣ шудани даҳҳо террористи ДИИШ дар минтақаҳои мухталифи ин кишвар хабар дод. Ба гузориши сомонаи хабарии » Ас-Сумирия Нюс», Вазорати дифои Ироқ эълом кард, ки 18 узви террористии ДИИШ дар бомбаборони шаҳри Фалуҷа дар вилояти Анбор маҳв гардид. Ин манбаъ меафзояд, ки дар ин ҳамлаҳо як анбори сӯхти вобаста ба аъзои ин гурӯҳ низ нобуд гардидааст. Аз ҷониби дигар як манбаи амниятӣ  дар вилояти Киркук иброз намудааст, ки дар натиҷаи ҳамлаҳои ҳавоӣ  35 узви ДИИШ дар минтақаҳои мухталифи ин вилоят кушта ва захмӣ шудааст. Вай афзуд, ки панҷ    пойгоҳи террористӣ дар деҳаҳои минтақаи Ҳума ҳадаф қарор гирифтаанд, ки 15 нафар маҳв ва 20 нафари дигар аз ин гурӯҳ захмӣ гардид.