Маросими ифтитоҳи намоишгоҳи “Балет ва шаҳр: Тоҷикистон” дар Шоҳигарии Белгия
Душанбе, 09.07.2015 (АМИТ «Ховар»).- Дар намоишхонаи марказии шаҳри Брюггеи Шоҳигарии Белгия бо ташаббуси Сафорати Тоҷикистон дар Брюссел ва таҳти сарпарастии Президенти Бунёди авруосиёгии дастгирии санъат (ш.Брюгге) Владимир Чикин 8 июл маросими ифтитоҳи намоишгоҳи аксҳо таҳти унвони “Балет ва шаҳр: Тоҷикистон” баргузор гардид. Намоишгоҳ то 22 июл давом мекунад. Боиси зикр аст, ки маводи намоишгоҳи мазкур дар ҷараёни сафари эҷодии В.Чикин ба Тоҷикистон моҳи майи соли равон омода шуданд.
Дар назди ҳозирин Сафири Тоҷикистон дар Шоҳигарии Белгия Рустамҷон Солиев ва Президенти Бунёди авруосиёгии дастгирии санъат Владимир Чикин сухан гуфтанд.
Ҳадафи намоишгоҳ — муаррифии дастовардҳои Ҷумҳурии Тоҷикистон дар тӯли солҳои истиқлолият дар роҳи рушди дунявӣ ва демократӣ, ҷанбаҳои асосии табиати нодир ва зебоманзари он, бинову иншооти меъморӣ, таърихӣ ва муосири шаҳри Душанбе ва мавзеъҳои наздишаҳрӣ бо иштироки гурӯҳи балетии Театри давлатии академии опера ва балети ба номи Садриддин Айнӣ буд, ки имсол 75-солагии худро таҷлил мекунад. Дар ҳошияи чорабинӣ ҳамчунин навори видеоии махсус омодашуда дар бораи мавзеъҳои тамошои пойтахти кишвар- шаҳри Душанбе намоиш дода шуд.
Сафорат дар якҷоягӣ бо Бунёди авруосиёгии дастгирии санъат нақша дорад намоишгоҳи мазкурро дар шаҳрҳои Брюссел, Намур, Гаага, инчунин дар мақарри созмонҳои байналмилалӣ доир намояд.
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
