Меваҳои шаҳдбори Ҳисор

Ҳисор, 24.07.2015. (АМИТ «Ховар», Ҳотами Шариф).- Боғдорони ноҳияи Ҳисор дар ҳамаи шаклҳои хоҷагидорӣ ба миқдори 22,8 ҳазор тонна мева истеҳсол намуданд, ки нисбат ба соли 2014 — 1 723 тонна зиёд аст.  Ин нишондиҳанда дар бахши ҷамъиятӣ ва деҳқонӣ 933 тоннаро ташкил намуд, ки нисбат ба ҳамин давраи соли сипаригашта 470  тонна зиёд мебошад.
Бо истифода аз таҷрибаи кишварҳои Аврупо ҷиҳати бунёди боғҳои интенсивӣ бо технологияи пешрафтаи замонавӣ ва дар ин замина зиёд намудани истеҳсоли маҳсулоти ба меъёрҳои ҷаҳонӣ ҷавобгӯй дар ноҳия тадбирҳои зарурӣ андешида шуданд. Дар айни замон дар майдони 30 гектар боғи интенсивӣ бунёд  ёфт. Барои рушди соҳаи боғу токпарварӣ имсол дар масоҳати 149 гектар боғу токзори нав бунёд  шуд.