ММТ: Иваз кардани нусхаи ҷавобҳои масъалаҳои тести қисми А

Душанбе, 31.07.2015. (АМИТ «Ховар», Ситораи Боймурод).- Маркази миллии тестии назди Президенти Ҷумҳурии Тоҷикистон ба диққати довталабон мерасонад, ки дар ҷавоби яке аз масъалаҳои тести фанни математикаи қисми А (имтиҳони умумӣ)-и даври иловагии дар сомонаи Марказ гузошташуда баъд аз нашр кардан хатои техникӣ маълум гардид. Ҷавоб ба масъалаи тест, ки дар он хатои техникӣ маълум гардид, дар шакли ислоҳшуда дар зер нишон дода шудааст.
Масъалаи 1.
Сайёҳ дар 3 рӯз 60 км роҳ рафт. Рӯзи якум 40%-и тамоми роҳ ва рӯзи дуюм 50%‑и роҳи боқимондаро тай кард. Ӯ рӯзи сеюм чанд километри роҳро паймуд.
Ҷавоб:18     1 хол
Гуфта мешавад, ки ҷавоб ба масъалаи 1-и математикаи қисми А-и даври иловагӣ, ки 18 уми июл дар сомонаи Марказ гузошта шуда буд, пас аз маълум гардидани хатои техникӣ — 30 юми июл иваз карда шуд. Аз ин лиҳоз, барои санҷидан нусхаи ҷавобҳои рӯзи 30 юми июл гузошташударо истифода намоед.