Муҳокимаи масоили такмили инфрасохтори нақлиёти Тоҷикистон

Душанбе, 02.07.15. (АМИТ «Ховар», Кристина  Эрлих). – Вазири   нақлиёти  ҷумҳурӣ  Шералӣ Ганҷалзода ва  намояндагони  корпоратсияи   ZTE (ҶМЧ)  дар  Тоҷикистон масъалаи ҳамкории  дуҷониба дар  амри навсозии  роҳҳои   нақлиётии  дорои  аҳамияти  минтақавиро  мавриди  муҳокима  қарор  доданд.
Бино ба  хабари Вазорати  нақлиёти  Тоҷикистон,  корпоратсияи ZTE соли  1985 таъсис ёфта, аз  нигоҳи  ҳаҷм  дуввумин ширкати  тавлидкунандаи таҷҳизоти телевизионию иртиботӣ ва  телефонҳои  мобилӣ дар  Чин  ба шумор  меравад. 
Ширкати  мазкур  дар Чин,  ИМА, Шветсия  ва  Куриё  13  маркази  илмию тадқиқотӣ  дошта, бо  ширкатҳои  калони ҷаҳонӣ, аз  қабили Intel, Microsoft, IBM, Alcatel, Qualcomm, Analog Devices, Accenture, Texas Instruments, Freescale, Agere Systems ва ADI ҳамкорӣ  дорад.