Мусодираи 13 яроқи оташфишон ва 520 лавозимоти ҷангӣ дар сарҳад
Душанбе, 15.07.2015. (АМИТ «Ховар», М. Темурзода).-Дар ҷаласае, ки дирӯз дар Сарраёсати қӯшунҳои сарҳадии Кумитаи давлатии амнияти миллии ҶТ вобаста ба ҷамъбасти шаш моҳи соли сипаришуда баргузор гардид, аз ҷониби роҳбари ин ниҳод Раҷабалӣ Раҳмоналӣ зикр шуд, ки сарҳади Тоҷикистону Афғонистон бо қочоқчиён ва вайронкунандагони хати сарҳад 18 маротиба задухӯрди мусаллаҳона ба вуқуъ пайвастааст. Ҳамчунин кӯшиши убури хати сарҳад 6 маротиба пешгирӣ шуда, 9 қочоқчӣ дастгир гардида, 11 вайронкунандаи хати сарҳад нобуд карда шуда, 1 нафар захмдор шудааст.
Дар давраи ҳисоботӣ сарҳадчиёни тоҷик 13 яроқи оташфишон, ҳамчунин 520 дона лавозимоти ҷангиро мусодира намуданд.
Тавассути нуқтаҳои гузаргоҳҳои сарҳадӣ 1 млн. 335 ҳазору 724 шаҳрванд, 108 ҳазору 593 воситаи нақлиёт гузаронида шуда, 34 вайронкунандаи низоми сарҳадӣ дастгир гардидааст.
Ғайр аз ин дар ин давра сарҳадчиён дар якҷоягӣ бо намояндагони сохторҳои қудратии ҷумҳурӣ 32 амалиёти махсус гузарониданд.
Дар ин бора ба АМИТ «Ховар» аз Сарраёсати қӯшунҳои сарҳадии КДАМ ҶТ иттилоъ доданд.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
