Намояндагӣ ба муҳоҷирони меҳнатӣ беш аз 14 млн.рублро баргардонид

Душанбе, 18.07.2015. (АМИТ «Ховар», Лайло Тоирӣ).-Бо кумаки  кормандони Намояндагии Вазорати меҳнат, муҳоҷират ва шуғли аҳолии ҶТ дар ФР дар давоми  шаш моҳи  соли 2015 ба маблағи 14 млн. 19 ҳазору 482 рубли русӣ  музди меҳнати пардохтнашудаи муҳоҷирони меҳнатӣ — шаҳрвандони Ҷумҳурии Тоҷикистон аз тарафи корфармоён, баргардонида шуд. 
Дар давоми  шаш моҳи соли 2015 бо мусоидати намояндагӣ 15 қарори суди ноҳивӣ бо қарори суди болоӣ бекор карда шуда,  манъи  воридоти 51 шаҳрванди Тоҷикистон кушода шуд. 
Инчунин намояндагӣ дар давраи ҳисоботӣ зиёда аз 1297  шаҳрванди Ҷумҳурии Тоҷикистонро дар минтақаҳои Федератсияи Русия бо кор таъмин намудааст.