Нархи як дона хишт дар Рамазон 35 дирам муайян шудааст

Душанбе, 08.07.2015. (АМИТ «Ховар», Лайло Тоирӣ).- Нархи як дона хишт дар ҶДММ “Корвони аср” 38 дирам буда, дар моҳи шарифи Рамазон 35 дирам муайян шудааст. ҶДММ “Корвони аср”-и ноҳияи Ҳисор дар ҷамоати деҳоти Оқулии боло корхонаи истеҳсоли хиштро бо истифода аз роботҳои худкор ва иқтидори солонаи 45,0 миллион дона ба истифода додааст. 
Маблағи сармояи корхона 5,0 миллион доллари ИМА-ро ташкил дода, дар он 72 ҷойи нави корӣ муҳайё гардид. Сохтмони корхона соли 2014 шурўъ гардида, моҳи июни соли 2015 мавриди истифода қарор дода шуд.
Ашёи хом аз кони хоки “Оқулии поён-1” истифода мешавад.