Нашри «Ҳақиқати Суғд» бо шиносномаи нав

Душанбе, 29.07.2015. (АМИТ «Ховар», Ситораи Боймурод).- Шумораи навбатии рӯзномаи вилоятии «Ҳақиқати Суғд», ки муассисаш Мақомоти иҷроияи ҳокимияти давлатии вилояти Суғд мебошад, бо шиносномаи нав ба табъ расид.
Тавре ки дар ин бора аз Хадамоти матбуоти раиси вилояти Суғд хабар доданд, дар саргаҳи шиноснома Парчами миллӣ ва Нишони давлатии Ҷумҳурии Тоҷикистон ҷой дода шуда, намои бинои Мақомоти иҷроияи ҳокимияти давлатии вилояти Суғд низ акс ёфтааст.
Ба иттилои манбаъ, қаблан дар шиносномаи рӯзнома ордени «Нишони Фахрӣ», ки рӯзнома ба муносибати 50-солагӣ бо он қадршиносӣ гардид, ҷой гирифта буд. Акси ордени «Нишони Фахрӣ» аз ин пас дар саҳифаи чоруми рӯзнома ҷой мегирад.