Омодагии дастаҳои лигаи олӣ ба қисми дуюми чемпионат
Душанбе, 20.07.2015. (АМИТ “Ховар” Меҳрони Курбон).-Дастаҳои лигаи олии кишвар бозиҳои санҷишӣ гузаронида, ба қисми дуюми чемпионат омодагӣ мебинанд. Рӯзи 15 июл дастаи “Равшан”-и Кӯлоб дар шаҳри Норак дар қисми дуюми чемпионат бо дастаи КМВА “Помир” бозии санҷишӣ гузаронид. Бозӣ шавқовару тамошобоб доир шуда, бо ҳисоби 4 бар 3 ба фоидаи дастаи шаҳри Кӯлоб анҷом ёфт. Ёдовар мешавем, ки голҳои дастаи “Равшан”-ро легионери эронӣ Ҳусейни Сӯҳробӣ , Абдурасул Раҳмонов ва Наврӯз Рустамов ба самар расониданд. Дар ҳайати дастаи мудофиачиён Рустам Толибов, Павел Калугин ва Давронҷон Тухтасунов ба задани гол муваффақ шуданд.
Бояд зикр кард, ки чемпиони феълии мамлакат ва пешсафи ягонаи қисми якуми ҷадвали чемпионати имсола дастаи “Истиқлол”-и Душанбе, дар Варзишгоҳи марказии ҷумҳуриявӣ бо дастаи мунтахаби ҷавонони 19-солаи Тоҷикистон, ки ба марҳилаи интихобии чемпионати Осиё-2016 омодагӣ мебинад, бозии санҷишӣ гузаронд. Дар вохӯрӣ ғалаба насиби чемпиони феълӣ шуд. Ҳисобро дар дақиқаи 14 вохӯрӣ ниммуҳофизи дастаи “Истиқлол” ва тими миллии Тоҷикистон Фатҳулло Фатҳуллоев боз кард. Баъди чор дақиқа ҳамлагари дастаи пойтахт, легионери испаниягӣ Мануел Бледа Родригес голи дуюми “Истиқлол”-ро зада, ҳисоби бозиро дучанд гардонид. Қисми якуми вохӯрӣ бо ҳамин ҳисоб анҷом шуд. Дар қисми дуюми вохӯрӣ ҳар ду дастаҳо қариб, ки ҳайатҳои худро пурра иваз карда, ба майдон бозингарони навро бароварданд. Ин қисми бозӣ бо ҳуҷумҳои тарафайн сурат гирифт, вале ҳисоби вохӯрӣ тағийр наёфт.
Хотиррасон менамоем, ки рӯзи 21 июл дастаи “Истиқлол” дар Варзишгоҳи марказии пойтахт бо дастаи мунтахаби ҷавонони то 19-солаи кишвар бори дигар бозии санҷишӣ мегузаронад. Оғози бозӣ соати 18.00 ба нақша гирифта шудааст.








Имрӯз дар ноҳияҳои кӯҳии Тоҷикистон ҳаво 16 дараҷа гарм мешавад
Масъулини Сафорати Тоҷикистон дар Русия бо фаъолони ҷамъиятӣ ва донишҷӯёни тоҷики муассисаҳои таҳсилоти олии шаҳри Қазон мулоқот намуданд
Федератсияи футболи Тоҷикистон дараҷаи тиллоии Хартияи футболи оммавии Конфедератсияи футболи Осиёро ба даст овард
Имрӯз дар шаҳри Душанбе ҳаво 18 дараҷа гарм мешавад
Имрӯз дар баъзе ноҳияҳои Тоҷикистон чангу ғубор ба амал меояд
«МегаФон Life»: Навсозиҳо ҳаётро сабуктар менамоянд
Ширкати саҳомии «Инновейтив Роуд Солюшнз ЛТД» дар Тоҷикистон IRS 17 400 тонна маводи зиддилағзиш захира намудааст
Доир ба нақши маориф дар тарбияи насли ваҳдатсоз вохӯрӣ доир гардид
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Дар Суди конститутсионӣ Рӯзи Парчами давлатӣ таҷлил гардид






